Howlgal Dad lagu soo Qabqabtay oo ka dhacay Gaalkacyo

September 18, 2012 - Written by reporter2 - Edited byreporter2

Wararka aynu ka heleyno Magaalada Gaalkacyo ee Xarunta Gobolka Mudug ayaa sheegay in ay Ciidanka Ammaanka Maamulka Puntland ay halkaasi ka sameeyeen Howlgallo  Baaritaanno ah kaasi oo ay ku soo qab qabteen Dad ay kaga Shakiyeen in ay amni darro ka wadeen Magaalada.

Ciidanka sida Qaaska ah u taba baran ee Puntland ayaa halkaasi Howlgal  balaaran  ay ka sameeyeen waxaana ay kuso qab qabteen Dad ay sheegeen  ay sameyn lahaayeen Falal Amni Xumo ah  balse ay ka Hortageen .

Ciidanka ayaa ula Dhaqaaqayay Qofkii ay is Yiraahdaan  waxaa uu liddi ku yahay Ammaanka Magaalada dhanka Saldhigga Magaaladaasi .

Sidoo kale Ciidanka Ammaaanka ayaa Xiliyada Habeenkii ah siweyn loodareemaa Howlgaladooda iyadoo aad arki karto gaadiidkooda dagaal oo dhex maraya waddooyinka waaweyn ee magaalada

“Waxay ciidamadu xiraan wadooyinka iyagoo roondeynaya waxaana ay ugaarsadaan gaadiidka leh bacaha madow ee looyaqaan Bensolka iyagoona islagoobta ugaga fiiqa” waxaa sidaasi yiri goobjooge ku sugan bartamaha maagalada gaalkacyo oo diiday in magaciiisa lasoo xigto.

Saraakiil u  hadashay Maamulka Puntland ayaa waxa ay Sheegeen in howlgaladaani ay sii socon doonaan laguna Xaqiijinayo Ammaanka Magaalaada Gaalkacyo iyo Guud ahaan Maamulka Puntland Goobaha ay ka arimiso .

 

Comments are closed.

WARARKII